मशरूमची भाजी (अळंबी)

साहित्य :-

१)      पांढरे मशरूम एक पाकीट

२)     चार मध्यम कांदे , दोन टी. स्पून तेल

३)     पाव चमचा हळद , अर्धा चमचा तिखट

४)     एक चमचा गरम मसाला

५)    चवीनुसार मीठ .

कृती :-

१)      मशरूम ताजे पाहून घ्यावेत .  हाताला थोडासा मैदा लावून मशरूमला चोळून ते धुवून घ्यावेत .  मशरूमचा वरचा गोल कापून त्याचे लहान तुकडे करावेत .  देठाचे पण तुकडे करावेत .  कांदा मध्यम चिरून घ्यावा . 

२)     तेल गरम करून कांदा टाकून चांगला नरम करावा .  त्यात हळद , तिखट , मीठ टाकून मसालाही टाकावा .  मशरूमचे तुकडे टाकून परतून घ्यावे . 

३)     मशरूम शिजायला वेळ लागत नाही .  ही भाजी परतून करावी .  झाकण ठेऊ नये .  मशरूममध्ये पाणी सुटेल .  ही भाजी लोखंडी तव्यात जास्त चविष्ट होते .