बांबूच्या (कळकीच्या) कोंबांची भाजी
साहित्य :-
१) बांबूचे कोवळे कोंब पाव वाटी
२) भिजवलेली हरभरा डाळ पाव वाटी
३) गोडा मसाला एक चमचा
४) तिखट अर्धा चमचा
५) मीठ , गुळ
६) ओलं खोबरं
७) दुध अर्धी वाटी .
कृती :-
१) बांबूचे कोंब सोलून घ्यावेत . नंतर त्यांचा गाभा स्टीलच्या किसणीवर किसावा .
२) थोडा वेळ तो पाण्यात टाकावा . नंतर कीस चांगला वाफवून घ्यावा .
३) भिजवलेली डाळ फोडणीत परतून घ्यावी .
४) त्यावर वाफवलेला कीस , तिखट , गोडा मसाला , मीठ , गुळ घालून भाजी शिजवावी .
५) शिजताना दुध घालावं . पाणी घालू नये . अतिशय चविष्ट अशी ही भाजी आहे .
