कोवळ्या फणसाची भाजी
साहित्य :-
१) कोवळा फणस
२) भिजवलेले वाटाणे किंवा शेंगदाणे किंवा हरभरे
३) गोडा मसाला , तिखट , मीठ , गुळ
४) ओलं खोबरं अर्धी वाटी
५) सुक्या लाल मिरच्या
६) आवडत असल्यास कांदा व लसूण
कृती :-
१) कोवळ्या फणसाचे काटे तासून टाकावेत . फणसाच्या मोठया फोडी कराव्यात .
२) त्या कुकरमध्ये उकडून घ्याव्यात .उकडलेल्या मोठया फोडी बारीक चिराव्यात वा ठेचाव्यात .
३) भाजी चार वाटया असल्यास पाऊण वाटी तेलाची फोडणी करावी . हिंग थोडा जास्त टाकून त्यात भिजवलेले वाटाणे वा शेंगदाणे टाकवेत .
४) आवडत असल्यास लसणाच्या आठ-दहा पाकळ्या व एक वाटी बारीक चिरलेला कांदा परतून घ्यावा .
५) त्यावर उकडलेली फणसाची भाजी , मीठ , गुळ , तिखट , मसाला सर्व घालून परतावी . ओलं खोबरं घालावं .
६) फोडणीत सुक्या लाल मिरच्यांचे तुकडे अधिक चांगले लागतात .
७) पूस भाजी म्हणून ओळखल्या जाणाऱ्या या भाजीत सांगडी मिरचीसुध्दा चांगली लागते . (फणस चिरताना आधी विळीला व हातांना तेल लावावं .)
