क्लब सॅन्डविच
साहित्य :-
१) एक साधा लहान सॅन्डविच ब्रेड
२) एक लहान ब्राऊन सॅन्डविच ब्रेड
३) अर्धी वाटी कोथिंबीर-पुदिन्याची हिरवी चटणी
४) अर्धी वाटी टोमाटो सॉस
५) काकडी आणि टोमाटोचे पातळ काप
६) थोडं लोणी
७) चीजस्प्रेड .
कृती :-
१) सहा क्लब सॅन्डविच बनविण्यासाठी सहा पांढऱ्या ब्रेड स्लाईस आणि तीन ब्राऊन ब्रेडच्या स्लाईस घ्याव्या .
२) तीन पांढऱ्या स्लाईसवर हिरवी चटणी लावावी , तर उरलेल्या तीन पांढऱ्या स्लाईसना टोमाटो सॉस लावावा .
३) प्रथम चटणी लावलेल्या स्लाईस मांडून त्यांवर काकडीच्या चकत्या पसराव्या .
४) ब्राऊन ब्रेडच्या स्लाईसला लोणी किंवा चीज स्प्रेड लावून त्यानं झाकावं .
५) त्यावर पुन्हा वरच्या बाजूला लोणी किंवा चीज स्प्रेड लावून त्यावर टोमाटोच्या चकत्या मांडाव्या आणि त्या टोमाटो सॉस लावलेल्या पांढऱ्या ब्रेड स्लाईसनं झाकाव्या .
६) अशा रीतीनं प्रत्येकी तीन स्लाईसची चवड तयार होईल . आता ती हलक्या हातानं दाबून तिरकी कापून त्रिकोणी सॅन्डविच बनवावा .
