घोळीची भाजी
साहित्य :-
१) घोळ एक जुडी
२) कांदा एक
३) तिखट आवडीप्रमाणे किंवा हिरव्या मिरच्या दोन
४) दोन चमचे तेल
५) फोडणीचं साहित्य
६) चवीपुरतं मीठ .
कृती :-
१) घोळीची भाजी निवडणं हा तसा त्रासदायक प्रकार आहे . म्हणून बहुतेक गृहिणी ही भाजी टाळतात .
२) पण चवीला छान लागते . घोळीची पानं व अगदी कोवळी देठं निवडून , धुवून , निथळून चिरून घ्यावीत .
३) फोडणी करून बारीक चिरलेला कांदा परतून घ्यावा . हिरव्या मिरच्या घेणार असाल तर त्या कांद्याबरोबर परताव्यात .
४) कांदा शिजत आल्यावर चिरलेली घोळ टाकावी . चवीपुरतं मीठ घालावं . मिरची न घातल्यास लाल तिखट घालावं व एक-दोन वाफा येऊ द्याव्यात .
५) विदर्भात यात साखर घालत नाहीत . पण किंचित साखर घातल्यास चांगली लागते .
६) कधी कधी कांदा न वापरता त्यात डाळीचं पीठ घालून कोरडी भाजीही वरीलप्रमाणे करतात .
