चिवळीची भाजी

green

(चिवळ ही एक प्रकारची पालेभाजी आहे .  ती नाजूक बारीक पानांची असून चवीला आंबटसर असते .  देठ लालसर आणि नाजूक असल्यामुळं कोवळी देठही भाजीसाठी घेतात .  चिवळ मराठवाड्यातही मिळते .)

साहित्य :-

१)      एक जुडी चिवळ

२)     डाळीचं पीठ पाव वाटी

३)     तेल पाव वाटी

४)     फोडणीचं साहित्य

५)    चवीपुरतं मीठ

६)      हिरव्या मिरच्या तीन-चार .

कृती :-

१)      चिवळ निवडून धुवून बारीक चिरून घ्यावी .  कढई किंवा पसरट भांड्यात तेल गरम करून फोडणी करून घ्यावी .

२)     मिरच्यांचे तुकडे करून फोडणीतच टाकावेत .  नंतर त्यात चिवळीची भाजी परतावी .  तीन-चार मिनिटांनी भाजीत चवीपुरतं मीठ टाकावं .

३)     मीठ टाकल्यावर परत दोन मिनिटं परतावी म्हणजे भाजीला पाणी सूटत .  भाजी पटकन शिजते .

४)     नंतर त्यावर डाळीचं पीठ पेरावं .  पीठ पेरताना हळूहळू भुरभुरत एकीकडं हलवत राहावं म्हणजे गुठळ्या न होता भाजी हलकी व मोकळी होते .

५)    काही वेळा फोडणीत तीन-चार लसणाच्या पाकळ्या ठेचून घालाव्यात .  त्याचा स्वाद छान येतो .

Add a Comment

Your email address will not be published. Required fields are marked *