चीजी व्हेजिटेबल सॅन्डविच
साहित्य :-
१) सहा मोठया आकाराचे ब्रेड स्लाईस
२) तीन चीज क्यूब
३) थोडं लोणी
४) दोन मोठे चमचे मेयॉनीज किंवा मलई (मोहरीपूड + लिंबाचा रस घालून)
५) एक वाटी किसलेलं गाजर
६) एक वाटी किसलेला कोबी
७) थोडं मिरपूड
८) चवीनुसार मीठ .
कृती :-
१) ब्रेड स्लाईसना नेहमीप्रमाणे लोणी लावून घ्यावं . चीज किसावं .
२) गाजर , कोबी , चीज आणि मेयॉनीज एकत्र करून त्यात चवीनुसार मीठ , मिरपूड घालावी .
३) हे सारण भरून नेहमीप्रमाणे त्रिकोणी आकाराचे सॅन्डविचेस तयार करावेत .
४) मेयॉनीज आवडत नसेल तर त्याऐवजी दोन मोठे चमचे मलई घोटून घ्यावी . त्यात थोडी मोहरीपूड आणि लिंबाचा रस घालून ते वापरावं .
५) चिकन आवडणाऱ्यांनी याच साहित्यात एक वाटी वाफवलेलं चिकन घालावं .
