झटपट मूग आणि पालक
साहित्य :-
१) चिरलेला पालक
२) त्या प्रमाणात मुगाची डाळ
३) टोमाटो बारीक चिरून
४) लाल मिरची , तेल
५) जिरं , हिंग
६) आलं-लसूण पेस्ट एक चमचा
७) हवा असेल तर कांदा बारीक चिरून
८) चवीनुसार मीठ .
कृती :-
१) कुकरमध्येच तेल गरम करून जिरं , हिंग , लाल मिरची , आलं-लसूण पेस्ट , कांदा टाकून परतावं .
२) कांद्याचा रंग बदलला की टोमाटो टाकून जरा परतावं . पालक टाकावा .
३) मूग डाळ टाकून मीठ , गरम मसाला टाकून कुकरच्या दोन-तीन शिट्ट्या दिल्या की पुरे ! (उत्तर भरतात पालक-मूग तशी घट्ट असते व डाळ ठेचत नाहीत . पराठे आणि चावल दोन्हीबरोबर चालते . पालक नसेल तर मेथी , चवळी , राजगिरा , माठ अशीही भाजी चालते .)
