भेंडीची रस भाजी

साहित्य :-

१)      भेंडी पाव किलो

२)     दोन कांदे उभे चिरून

३)     गूळ चिरून एक चमचा

४)     लाल तिखट एक चमचा भरून

५)    चिंचेचा कोळ चार चमचे

६)      कढीलिंबाची आठ-दहा पानं

७)    चवीनुसार मीठ . 

कृती :-

१)      भेंडी धुऊन-पुसून , तिरक्या काचऱ्या करून चिरावी .  अर्धी पळी तेलाची फोडणी करून त्यात कढीलिंब व कांदा घालून परतून घ्यावं .

२)     मग भेंडी घालावी .  भेंडीची तार जाईपर्यंत मंद आचेवर भाजी परतावी .  मग एक वाटी पाणी घालावं . 

३)     भेंडी शिजत आली की यात मीठ , गूळ , चिंचेचा कोळ , मसाला व तिखट घालून परत मिनिटं भाजी शिजू दयावी . 

४)     रस थोडासा ठेवावा .  (परतताना या भाजीवर झाकण ठेवू नये .)