मेथी-मकई क्रीम पनीर
साहित्य :-
१) मेथीची फक्त पानं दोन वाटया
२) मक्याचे दाणे (पांढरे) अर्धी वाटी
३) पनीर तुकडे करून अर्धी ते एक वाटी
४) क्रीम अर्धी वाटी
५) कांदा किसून अर्धी वाटी
६) आलं-लसूण पेस्ट दोन चमचे
७) हळद , तिखट
८) तेल , धने-जिरे पूड
९) आमचूर दीड चमचा
१०) गरम मसाला प्रत्येकी एक ते दीड चमचा .
कृती :-
१) मेथीची पानं धुवून घ्यावी . निथळून लगेचच एक शिट्टी देऊन शिजवून घ्यावी .
२) वेगळं पाणी घालू नये . शिजल्यावर मिक्सरमध्ये एकदाच फिरवावी . मक्याचे दाणे थोडया पाण्यात मीठ टाकून शिजवून घ्यावेत .
३) दोन वाटया गरम पाण्यात हळद टाकून त्यात पनीरचे तुकडे टाकावेत आणि दोन मिनीटानं काढावेत .
४) पनीरला पिवळसर रंग येईल . थोडया तेलात किसलेला कांदा गुलाबी रंगावर परतावा . त्यावर आलं-लसूण पेस्ट टाकून परतावं .
५) कांद्याचा रंग बदलला की मेथी टाकावी . (हळद वापरू नये .)
६) मक्याचे दाणे , पनीर थोडंसं पाणी टाकून हलवावं . मीठ , थोडं तिखट टाकावं .
७) उकळी आली की परत थोडं तिखट , धने-जिरे पूड , गरम मसाला आणि आमचूर टाकावं . व्यास्थित हलवावं .
८) ही भाजी तशी पळीवाढीच असते . वाढतेवेळी परत गरम करून क्रीम मिसळावं .
९) पराठे , नान , रोटी कशाबरोबरही खावी . रंग अजून हिरवा हवा असेल तर मेथीबरोबर तिच्या निम्मी कोथिंबीर घ्यावी .
