मोडाच्या मुगाची आमटी (२)
साहित्य :-
१) एक वाटी मोड आलेले मूग
२) एक वाटी दही , साखर
३) एक चमचा आलं कीस
४) एक मोठा चमचा बेसन
५) फोडणीसाठी एक मोठा चमचा साजूक तूप
६) अर्धा चमचा जिरं
७) एक-दोन हिरव्या मिरच्या
८) सात-आठ कढीलिंबाची पानं
९) चवीनुसार मीठ .
कृती :-
१) तुपाची जिरं , मिरच्या घालून फोडणी करावी . फोडणीत कढीलिंब , आलं घालून मूग घाला .
२) मूग परतून पाणी घालून शिजवावे . दही घुसळून त्यात बेसन कालवून पाणी घालावं .
३) मूग शिजल्यावर हे ताक घालून मीठ , साखर घालावं आणि एक उकळी येईपर्यंत ढवळावं .
