रसशेंगा (शेवग्याच्या)
साहित्य :-
१) शेवग्याच्या शेंगा तीन-चार
२) सुकं खोबरं
३) चिंच , गुळ
४) गोड मसाला दोन चमचे
५) लाल तिखट एक चमचा
६) धने-जीऱ्याची पूड दोन चमचे
७) भाजलेले दाणे अर्धी वाटी
८) लाल तिखट .
कृती :-
१) शेवग्याच्या शेंगाचे बेताचे तुकडे करून ते पाण्यात टाकावेत .
२) थोडया पाण्यात चमचाभर मीठ टाकून ते उकडून घ्यावेत . चिंच भिजवून चिंचेचा कोळ करून घ्यावा .
३) सुकं खोबरं भाजून , गोड मसाला , लाल तिखट , धने-जीऱ्याची पूड , भाजलेले दाणे अर्धी वाटी हे सर्व एकत्र करून थोडं पाणी घालून वाटून घ्यावं .
४) पातेलीत फोडणी करताना कढीपत्ता टाकावा . त्यावर हा वाटलेला गोळा टाकून परतावा .
५) मीठ , गुळ , चार चमचे चिंचेचा कोळ घालावा . याच मिश्रणात तीन-चार वाटया पाणी घालून पातळ करावं .
६) उकळी आली की उकडलेल्या शेवग्याच्या शेंगांचे तुकडे अलगद आत सोडून पुन्हा आमटीप्रमाणे उकळू द्यावं . (शेंगा बेतानं उकडाव्यात . फुटू देऊ नयेत .)
