वेनपोंगल ( मद्रासी खारा भात )
साहित्य :-
१) दोन वाट्या तांदूळ
२) एक वाटी मुग डाळ
३) अर्धी वाटी काजू पाकळ्या
४) एक चमचा मोहरी
५) चार-पाच सुक्या मिरच्या
६) एक मोठा चमचा किसलेलं आलं
७) अर्धा चमचा जाड कुटलेली मिरी
८) पाव वाटी तूप
९) अर्धी वाटी ओलं खोबरं , मीठ .
कृती :-
१) डाळ आणि तांदूळ वेगवेगळे धुऊन निथळावे . पाच-सहा वाट्या पाणी उकळावं .
२) जाड बुडाच्या पातेलीत तूप गरम करून त्यात काजू पाकळ्या तळून घ्याव्या आणि बाजूला ठेवाव्या .
३) मिरच्यांचे तुकडे करावे . नंतर त्याच तुपात मोहरी , मिरी आणि सुक्या मिरच्या फोडणीला घालून प्रथम डाळ परतावी .
४) नंतर तांदूळ परतून आलं आणि मीठ घालून गरजेनुसार उकळत पाणी घालून भात शिजवावा .
५) बोटचेपा भात शिजल्यावर त्यात खोबरं मिसळाव आणि चांगली वाफ येऊ द्यावी .
