व्हेज बिर्याणी

साहित्य :-vegitable-biryani123

१)      अर्धा किलो फ्लॉवर , ३ ते ४ बटाटे

२)     अर्धा किलो बासमती तांदूळ

३)     चार मोठे कांदे , चार मोठे टोमाटो

४)     थोडी कोथिंबीर , पुदिना

५)    ५ ते ६ जर्दाळू , काजू

६)      केशर , लिंबूरस

७)    केवडा इसेन्स , पिवळा रंग

८)     हळद , लाल तिखट

९)      तेल किंवा तूप , खोबरे एक वाटी

१०)  चवीनुसार मीठ .

गरम मसाला :-

१)      एक चमचा जिरे , अर्धा चमचा शहाजिरे

२)     दोन तुकडे दालचिनी , ५ ते ६ मिरी

३)     दोन मोठी वेलची , दोन लहान वेलची

४)     एक तमालपत्र , एक जायपत्री

५)    पाव तुकडा जायफळ , एक चमचा खसखस

हा सर्व मसाला थोडा गरम करून पावडर करून ठेवणे .

वाटायचा मसाला :-

१)      एक कांदा बारीक चिरून , एक इंच आले

२)     ५ ते ६ लसूण पाकळ्या

३)     एक मिरची टाकून अर्धी वाटी खोबरे वाटणे .

कृती :-

१)      फ्लॉवरचे देठासकट मोठे तुकडे करावेत .  कांदे पातळ उभे चिरून घ्यावेत .  बटाट्याची साले काढून उभ्या फोडी कराव्यात .  टोमाटो चिरून घ्यावे .

२)     रिफाइंड तेल किंवा तूप घेऊन उभा चिरलेला कांदा कुरकुरीत तळून घ्यावा .  काजू तळून घ्यावेत .  जर्दाळू गरम पाण्यात टाकून नरम झाले की आतील बी काढून घ्यावी .

३)     कांदा तळलेल्या तुपात टोमाटो टाकून चांगला परतून घ्यावा .  फ्लॉवरचे तुकडे व बटाटे त्यात टाकून कुटलेल्या मसाल्यातील एक चमचा मसाला , अर्धा चमचा हळद व अर्धा चमचा तिखट मीठ टाकावे . 

४)     फ्लॉवर व बटाटा शिजला की तळलेला कांदा कुस्करून त्यातील थोडा कांदा फ्लॉवरमध्ये टाकावा .  खोबरे टाकावे . 

५)    एका लिंबाचा रस काढून त्यात थोडे केशर गरम करून टाकावे .  केवडा इसेन्सचे ४ ते ५ थेंब टाकावेत .  जर्दाळू टाकावेत . 

६)      लिंबाचे थोडे पाणी फ्लॉवरमध्ये टाकावे .  फ्लॉवर , बटाट्याला थोडा रस्सा ठेवावा . 

७)    बासमती तांदळाचा मोकळा भात करून घ्यावा .  भात करताना पाण्यात मीठ व थोडा पिवळा रंग टाकावा . 

८)     दोन मोठी वेलची , दोन तमालपत्र पाण्यात टाकावे .  भाताला चांगला सुगंध येतो .  भात अर्धा कच्चा शिजवून चाळणीवर उपसून ठेवावा .

Add a Comment

Your email address will not be published. Required fields are marked *