सुरण कढी
साहित्य :-
१) सुरण पाव किलो
२) उकडलेले बटाटे दोन-तीन
३) तेल , कोर्नफ्लॉवर
४) कसूरी मेथी , नारळ
५) चिंच , गूळ
६) कढीपत्ता , फोडणीचं साहित्य
७) किसलेला कांदा , गरम मसाला एक चमचा
८) डाळीचं पीठ अर्धा चमचा
९) चवीनुसार मीठ .
वाटण :-
१) आलं , लसूण पाकळ्या चार-पाच
२) मिरच्या तीन-चार , जिरं अर्धा चमचा
३) बडीशेप पाव चमचा
४) मसाला वेलची एक
५) जायपत्री चिमुटभर
६) मिरे दोन-तीन .
कृती :-
१) सुरण स्वच्छ करून फोडी कराव्यात . त्या उकळत्या पाण्यात लिंबू रस व मीठ टाकून साधारण पाच मिनिटं शिजवाव्यात .
२) नंतर चाळणीवर ओतून पाणी काढून टाकावं . उकडलेले बटाटे किसून त्यात उकडलेलं सुरण कुस्करून घालावं .
३) वरील वाटणापैकी निम्मं वाटण , चवीनुसार मीठ , हळद , कोथिंबीर , लिंबूरस एक चमचा व चिमुटभर साखर घालून मळून घ्यावं आणि या मिश्रणाचे लहान-लहान गोळे तयार करून तळून काढावेत .
४) चिंचेचा कोळ व गूळ , खजूर दोन , बेदाणे चार-पाच , काजू दोन , एकत्र करून मिक्सरमधून काढावं . एका नारळाचं खोबरं काढून वाटून घ्यावं .
५) हिंग , कढीपत्त्याची फोडणी करून त्यात किसलेला कांदा उरलेलं निम्मं वाटण घालून परतावं .
६) लालसर रंग आल्यावर कसूरी मेथी , वाटलेलं खोबरं घालावं .
७) खरपूस परतल्यावर त्यात एक चमचा गरम मसाला व आधी तयार केलेला चिंचेचा सॉस , त्यात अर्धा चमचा डाळीचं पीठ घालून एकसारखं करून घालावं .
८) एक-दोन वाटया उकळत पाणी घालावं . उकळलं की सुरणाचे तळलेले गोळे त्यात सोडावेत . वरून कोथिंबीर घालावी .
