अळूची भगरा भाजी
साहित्य :-
१) अळूची पानं चार-पाच
२) चिंचेचा कोळ
३) तिखट
४) ओलं खोबरं
५) हरभरा डाळीचं पीठ किंवा भाजणी
६) फोडणीचं साहित्य , तेल .
कृती :-
१) अळूची पानं शिरा काढून बारीक चिरून घ्यावीत . फोडणी करून पानं वाफवावीत .
२) त्यावर चिंचेच्या कोळाचं पाणी अर्धी वाटी शिंपडावं . चांगली वाफ आल्यावर मीठ , गुळ , तिखट घालून ढवळावं .
३) थोडा रस सुटेल . त्यावर डाळीचं पीठ वा साधी नेहमीची भाजणी पेरून ढवळावी .
४) साधारण अर्धा ते पाऊण वाटी पीठ खपेल . ओलं खोबरं घालून मंद आचेवर चांगल्या वाफा आणाव्यात .
