कोथिंबीर धिरडं
साहित्य :-
१) एक वाटी ज्वारीचं पीठ
२) अर्धी वाटी बेसन
३) एक मोठा चमचा रवा
४) दोन वाटया चिरलेली कोथिंबीर
५) अर्धी वाटी ताक
६) अर्धी वाटी पाणी
७) थोडं लाल तिखट
८) अर्धा चमचा जिरं
९) चवीनुसार मीठ .
कृती :-
१) धिरडं करण्यासाठी बीडचा किंवा जाड लोखंडाचा तवा तापत ठेवावा . सर्व साहित्य एकजीव करून घ्याव्या .
२) तवा तापला की नारळाची शेंडीने तव्याला तेल लावून घ्यावं . जेणे करून धिरडी चिकटणार नाही .
३) एक चमचाभर पीठ घालून पीठ तव्यावर पसरून किंचित तेल सोडून झाकण ठेवावं . चर्र आवाज आला की धिरडं उलटावं .
४) नीट उलटलं गेलं आणि जरा जाड वाटलं तर थोडं पाणी घाला . एकदा जमलं की तवाभर धिरडं करता येतं .
