दही भेंडी
साहित्य :-
१) भेंडी पाव किलो
२) घट्ट दही दोन वाट्या
३) बारीक चिरलेली कोथिंबीर पाव वाटी
४) धन्या-जीऱ्याची पूड तीन-चार चमचे
५) मीठ , तिखट आवडत असल्यास
६) पण न घातल्यास भाजी छान दिसते
७) तेल तीन मोठे चमचे
८) फोडणीचं साहित्य .
कृती :-
१) भेंडी व्यवस्थित धुवून पुसून घ्यावी . भेंडी जास्त मोठी असल्यास दोन तुकडे करावेत . लहान असल्यास देठ आणि टोकाकडील भाग काढून टाकावा .
२) भेंडीला उभी चीर देऊन त्यामध्ये धन्या-जीऱ्याची पूड , मीठ आणि बारीक चिरलेली कोथिंबीर , आवडत असल्यास तिखट यांचं मिश्रण भरावं .
३) पसरट भांड्यात तीन चमचे तेलावर हिंगाची फोडणी करावी . फोडणीत हळद न घातल्यास भाजीची रंगसंगती छान दिसते .
४) भरलेली भेंडी तेलावर व्यास्थित शिजवून घ्यावी , शिजवताना ती हलवू नये . चीर दिलेला भाग वरती ठेवावा .
५) म्हणजे मसाला बाहेर येणार नाही . पाच-सहा मिनिटांनी भाजी उतरवावी व गार होऊ द्यावी .
६) वाढताना दोन वाट्या दही बाऊलमध्ये काढून त्यात चवीपुरतं मीठ , साखर आवडत असल्यास चवीपुरती घालून दही व्यवस्थित फेटून घ्यावं .
७) भरलेली भेंडी या दह्यात घालावी . वरून कोथिंबीर पेरावी . पांढरं दही व हिरव्या भेंडया या रंगसंगतीमुळ पानाची शोभा वाढतेच .
