डाळ दलिया

साहित्य :–

१)      एक वाटी दलियाचा रवा शिजवून

२)     अर्धी वाटी हरभरा डाळ

३)     एक वाटी बारीक चिरलेला कांदा

४)     पाच-सहा हिरव्या मिरच्या

५)    आठ-दहा कढीलिंबाची पानं

६)      साखर , हिंग , हळद

७)    दोन मोठे चमचे दुध

८)     एक मोठा चमचा लिंबूरस

९)      फोडणीसाठी मोहरी

१०)  चवीनुसार मीठ .

कृती :-

१)      हरभरा डाळ तीन-चार तास भिजत घालून रात्रीच जाडसर वाटून फ्रीजमध्ये     ठेवावी .  तेलाची फोडणी करून त्यात मिरच्या , कढीलिंब परतून त्यावर      कांदा घालून परतावा .

२)     त्यात डाळ घालून परतावी .  दलिया मोकळा करून घालावा आणि मीठ ,    साखर , लिंबाचा रस घालून ढवळावा . दुध घालून एक वाफ आणावी .

३)     मायक्रोवेव्ह असेल तर भिजलेली डाळ दोन मिनिटं मायक्रो करा .

४)     गार झाल्यावर मिक्सरमध्ये वाटली की सगळी सारखी वाटली जाईल .

५)    चिकट न होता भगरा होईल .  फोडणी गैसवर करून बाकी सगळी कृती मायक्रोवेव्हमध्ये करता येईल .