कच्च्या केळ्याचा कबाब मसाला
साहित्य :-
१) कच्ची केळी तीन
२) बटाटे दोन मध्यम
३) आलं-लसूण पेस्ट
४) काश्मिरी मिरची पेस्ट
५) पनीर शंभर ग्रॅम
६) कोर्नफ्लॉवर चार चमचे
७) काजू व चेरी सजावटीसाठी
८) कोथिंबीर चिरलेली
९) चवीनुसार मीठ .
रश्श्यासाठी :-
१) टोमाटो चार-पाच
२) कांदे चार-पाच
३) काजूची पेस्ट दोन चमचे
४) तेल , चवीनुसार मीठ .
कृती :-
१) प्रथम कच्ची केळी व बटाटे उकडून घ्यावेत . नंतर ते गरम असताना कुस्करून घ्यावे व त्यात आलं-लसूण पेस्ट , मिरची पेस्ट एक-एक चमचा , चवीप्रमाणे मीठ , थोडी कोथिंबीर , पनीर किसून कोर्नफ्लॉवर घालून चांगलं मळून घ्यावं . त्याचे लांबट कबाब करून तेलात तळून घ्यावे .
२) टोमाटो-कांदे यांची मिक्सरवर ग्रेव्ही तयार करावी . काजूची पेस्ट करून घ्यावी .
३) अर्धी वाटी तेलावर आलं व लसूण पेस्ट दोन चमचे , काश्मिरी मिरची पेस्ट दोन चमचे घालून परतून घ्या .
४) नंतर त्यावर वाटलेली ग्रेव्ही घालून टोमाटो , कांदा शिजेपर्यंत चांगलं तेल सुटेपर्यंत परतावं .
५) नंतर त्यात हवं तेवढं पाणी घालून थोडं उकळावं व त्यात काजूची पेस्ट घालावी .
६) म्हणजे ग्रेव्ही जरा दाटसर होते . नंतर कबाब घालून लगेच गैस बंद करावा .
७) थोडा वेळ तसंच ठेवावं म्हणजे भाजीत रस छान जिरतो व वरून थोडे तळलेले काजू , चेरी पनीर किसून व कोथिंबीर घालून सजवावं . ही गरम गरम ‘कबाब मसाला भाजी’ पोळी , पराठा याबरोबर खूप छान लागते .
