नागपुरी वडाभात
साहित्य :-
( वड्यांसाठी )
१) एक वाटी हरभरा डाळ
२) अर्धी वाटी तूर डाळ
३) मुग
४) उडीद
५) मटकीची डाळ प्रत्येकी पाव वाटी
६) अर्धी वाटी बारीक चिरलेला कांदा
७) थोडे धने-जिरं
८) सुक्या मिरच्या
९) लसूण , थोडी कोथिंबीर , कढीपत्ता , मीठ , तील .
( भातासाठी )
१)दोन वाटया तांदळाचा मोकळा फडफडीत भात
२) तेल
३) फोडणीच साहित्य .
कृती :-
१) सगळ्या डाळी पाच-सहा तास भिजत घालून , उपसून , पाणी न घालता रवाळ वाटाव्या
२) वाटताना त्यात धने , मिरच्या , जिरं आणि लसूण घालावा .
३) नंतर त्यात इतर साहित्य घालून त्या पीठाचे छोटे-छोटे वडे थापून गरम तेलात तळून काढावे .
४)मोकळ्या भातावर चार-पाच वडे कुस्करून घालावे आणि खायला देताना मोहरी , हिंग , हळद घालून तेलाची फोडणी भातावर घालावी .
५)या भाताबरोबर ( साखर न घालता ) ताकाची कढी करावी .
