पालक पुरी

पालक पुरी  साहित्य :-

१)      दीड वाटी कणीक

२)     अर्धी वाटी रवा किंवा बेसन

३)     पाव चमचा हळद

४)     पाव चमचा ओवा

५)    पालकाची दहा-बारा मोठी पानं

६)      आवडत असल्यास तीन-चार लसूण पाकळ्या

७)    तळण्यासाठी तेल

८)     चवीपुरतं मीठ .

पालक पुरी कृती :-

१)      पालकाची पानं धुऊन घेऊन हातानंच त्याचे तुकडे करून त्यात लसणाच्या तीन-चार पाकळ्या  घालून मिक्सरमधून वाटून घ्या .

२)     या पालकामध्येच कणिक व रवा , हळद , मीठ , ओवा , दोन चमचे तेल घालून घट्ट भिजवून घ्या .  (आवश्यकता असल्यासच थोडं पाणी घाला .)

३)     पीठ भिजवल्यानंतर किमान वीस मिनीटानं त्याच्या पुऱ्या लाटून तळून घ्या .

४)     या पुऱ्या तीन-चार दिवस टिकत असल्यानं डब्यासाठी , प्रवासात सुटसुटीत   होतात .  चहा-कॉफी बरोबरही चांगल्या लागतात .